طريقة تحضير كيكة الجزر بالصور والخطوات


بسم الله :

المقادير :

كيك الجزر من مطبخى بالصور مع الملاحظات المهمة

2 كوب سكر
كوب زيت او زبدة اللى تفضليه
3 بيضات
معلقة صغيرة فانيليا
2 كوب دقيق
معلقة صغيرة قرفة
رشة جوزة الطيب
رشة ملح
2 معلقة صغيرة بيكينج باودر
3 اكواب جزر مبشور
جوز بيكان 
و دى صورته للى سألونى عليه

كيك الجزر من مطبخى بالصور مع الملاحظات المهمة


الطريقة :

هنضرب الزيت او الزبدة مع السكر
( لو استخدمتى زيت زى الصورة كده هتلاقى القوام صعب شوية ضربه بالمضرب اليدوى و حتى المضرب الكهربائى مش هيخلّى الحبيبات بتاعت السكر تدوب فا الزبدة بتكون افضل بس للأسف المرة دى كنت عاملاها بالزيت )
بس القوام ده هيتغير خالص بعد اضافة البيض

شوفى معايا القوام كده

كيك الجزر من مطبخى بالصور مع الملاحظات المهمة

و بعدين نضيف البيض واحدة ورا التانية و نضرب كويس جدا بعد كل اضافة
هنا مع اضافة اول بيضة

كيك الجزر من مطبخى بالصور مع الملاحظات المهمة

تانى بيضة 

كيك الجزر من مطبخى بالصور مع الملاحظات المهمة

تالت بيضة

كيك الجزر من مطبخى بالصور مع الملاحظات المهمة

هتلاقى القوام اتغير تماما زى ما انتى شايفة كده و السكر بقى مختلط كويس
ضيفى الفانيليا

كيك الجزر من مطبخى بالصور مع الملاحظات المهمة

هنخلط بقى الدقيق مع القرفة مع جوزة الطيب و الملح و البيكنج باودر و نقلبهم بالراحة و خدى بالك تنخلى كل المكونات دى قبل ما تقلبيها ( دى اول ملحوظة )

كيك الجزر من مطبخى بالصور مع الملاحظات المهمة


و تقلبيها بالراحة برضه اوعى تنسى
و بعدين تضيفيها على خليط البيض 

كيك الجزر من مطبخى بالصور مع الملاحظات المهمة

و خدى بال قلبيا بالراحة مع البيض يعنى على ابطأ سرعة فى المضرب الكهربائى او بالمضرب اليدوى

هنا شكلهم ما اختلط الدقيق مع البيض كويس

كيك الجزر من مطبخى بالصور مع الملاحظات المهمة

و بعدين ضيفى الجزر

كيك الجزر من مطبخى بالصور مع الملاحظات المهمة

و نقلب كويس بالمضرب اليدوى او بالمعلقة لحد ما الخليط يبقى كده
بلاش المضرب الكربا عشان الجزر مايتكسرش

كيك الجزر من مطبخى بالصور مع الملاحظات المهمة

نكسر الجوز او نجرشه و نضيفه

كيك الجزر من مطبخى بالصور مع الملاحظات المهمة

و نخلطه و نحطه فى صينيه
انا هنا حطيت ورق زبدة فى الصينية لانى كنت ناوية ازين الكيك
لو انتى مش هاتزينيها يبقى رشى الصينية بزيت و دقيق بس

كيك الجزر من مطبخى بالصور مع الملاحظات المهمة


و دخليها الفرن على 180 درجة لمدة نص ساعة

و دى بعد ما طلعت من الفرن

كيك الجزر من مطبخى بالصور مع الملاحظات المهمة


ورق الزبدة مخلى شكلها من الجوانب مش اوى بس انا قلت لكم انا ناوية ازوقهها فا كل ده مش هايبان ان شاء الله
المهم قبل ما تزينيها تسيبيها تبرد كويس اوى و ياريت تحطيها فى التلاجة بعد ما تبرد و تغلفيها بورق شفاف على الاقل ساعتين عشان تعرفى تقسميها و تتعاملى معاها من غير خساير


الأول قلت هاقسمها و احط جواها كريم تشيز بسيط 
ودى كانت مكوناته

علبه جبنة كريم 150 جرام

كيك الجزر من مطبخى بالصور مع الملاحظات المهمة

هنضربها بالمضرب عشان تبقى ملساء و مفيش فيها تكتلات

و بعدين نضيف معلقة صغيرة فانيليا

كيك الجزر من مطبخى بالصور مع الملاحظات المهمة


و بعدين كاس و نص سكر بودرة ( ضيفيهم بالتدريج )

كيك الجزر من مطبخى بالصور مع الملاحظات المهمة

و كده الكريم تشيز البسيطة جهزت

كيك الجزر من مطبخى بالصور مع الملاحظات المهمة

قسمت الكيك نصين ( ممكن تقسميه تلاته لو تحبى )

و ضيفت 3/4 الكريمة بتاعتى فى النص
بس ماوصلتوش للأطراف لانى لما احط الطبقة اللى فوق هتضغط عليها و تخليها توصل للأطراف

كيك الجزر من مطبخى بالصور مع الملاحظات المهمة

و حطيت نص الكيك التانى

و الربع الباقى من الكريمة حطيته عليها و على الأطراف ( مجرد مسحة بسيطة عشان العجينة بتاعت اللوز تمسك كويس فى الكيك )
و فردت عجينة اللوز او المازيبان
و حطيتها على الكيك كده

كيك الجزر من مطبخى بالصور مع الملاحظات المهمة

و ظبطت الجوانب و قطعت الزيادة من العجينة

كيك الجزر من مطبخى بالصور مع الملاحظات المهمة



و عملت الجزر و البتاع الأخضر بتاعها ده
و بليته بنقطة ماية على طرف صوابعى و لزقته على عجينة اللوز من فوق
و ده كان الشكل النهائى








كيك الجزر من مطبخى بالصور مع الملاحظات المهمة




كيك الجزر من مطبخى بالصور مع الملاحظات المهمة



كيك الجزر من مطبخى بالصور مع الملاحظات المهمة



كيك الجزر من مطبخى بالصور مع الملاحظات المهمة

هنا من الجنب



كيك الجزر من مطبخى بالصور مع الملاحظات المهمة



و دى لما قطعتها

كيك الجزر من مطبخى بالصور مع الملاحظات المهمة



كيك الجزر من مطبخى بالصور مع الملاحظات المهمة



عندى شوية ملاحظات يا قمرات

اولا زى ما قلت لكم لازم لازم تضربى البيض كويس بعد كل اضافة سواء ضيفتى زيت او زبدة
بس عادة لو ضيفتى زبدة لما بتضربيه مع السكر القوام بيبقى أملس انما فى حالة الزيت المضرب مش بيعمل نتيجة حلوة زى العجانة

فى حالة انك بتستخدمى الزيت ممكن تضربى السكر و الفانيليا و البيض و بعدين تضيفى عليهم الزيت بعد ماتضربيهم كويس
بتدى نتيجة تحفة برضه
خصوصا لو هتعملىه كب كيك مش كيك كبير
انما لو بتستخدمى الزبدة يبقى امشى على نفس الخطوات عادى سواء كيك كبير او كب كيك

زى ما قلت لكم
مش مهم تضيفى ورق الزبدة المهم تدهنى الصينية بزيت خفيف و ترشى شوية دقيق
ورق الزبدة مهمتهه هنا كانت انها ماتخليش اى طرف ناشف عشان التزيين بعجينة اللوز

ممكن تستغنى عن الجوز بيكان خالص او تستبدليه بعين الجمل عادى برضه

فيه ناس بتحب تضيف كاكاو بودرة
لو بتحبى ضيفى معلقة

بالنسبة للجزر اللى زينت بيه الكيك للأسف انا مجاش فى بالى خالص أصوره بس هوه طريقته سهلة جدا
الباقى من عجينة الفرد بتاعتى قسمتها جزئين وحد لونه بالورانج و التانى بالأخضر و شكلتهم بايدى و بسكينة فتحت فتحة صغيرة للجزء الأخضر و شكلته و حطيته جوه الفتحة اللى عملتها فى الجزرة
و جبت سكينة مش حامية و عملت خطوط على الجزرة عشان تبقى شبه الجزرة العادية

يارب تكون وصفتى الناردة عجبتكم
و اى استفسار انا فى الخمة ان شاء الله

 

عن khloool